Urtean zehar ikastolaren jaiak antolatzen dira herrialdeka: Iparraldean HERRI URRATS, Bizkaian IBILALDIA, Araban ARABA EUSKARAZ, Gipuzkoan KILOMETROAK eta Nafarroan NAFARROA OINEZ. Auzolanean antolatzen dira, enpresa handien babesa jasotzen dute eta biltzen den dirua proiektu jakin bati laguntzeko izaten da: lur sail bat erosi, eraikina jaso edo lehengoa zaharberritzeko. Herri Urrats: maiatzaren 11n, Senperen.

Urriaren 6an Kilometroak’ 07 Gipuzkoako ikastolen aldeko jaia Bergaran izango da. Aranzadi Ikastolak antolatutako jaia "Argi daukagu" lemapean ospatuko da. Bergaran 20 musika talde eta bakarlari baino gehiago izango dira. Denetik dago. Baina ezaugarri batzuk nabarmendu daitezke musika talde eta bakarlariei dagokienez: ia talde guztiek oso musika dantzagarria egiten dute, gorputza astintzera animatzen dutenak. Kilometroak.