Sarean

Fusio TB

2014/10/09

Gero eta argiago dago fusio bat ematen ari dela ikus-entzunezko edukiak ikusteko aukeran. Ordenagailua, mugikorra, telebista... gero eta ohikoagoa da gailu batean baino gehiago bideoak, telesailak, filmeak... ikustea.

OrainBai.eus

2014/09/29

Prozesu luzea izan da, baina azkenean hemen da .eus domeinua. PuntuEus euskara eta euskal kultura bere zentzu zabalenean ikusgarriago egiteko aukera emango du hemendik aurrera domeinu honek.

Sarean ikasi

2014/07/14

Orain arte jakintza gune garrantzitsuena zen unibertsitatea, behintzat hori zen aitortzen genion papera. Gaur egun aldiz, ezagutza leku askotan dago, unibertsitateak goi mailako ezagutzaren gune bezala irudikatu arren, beste leku askotan ere ezagutza hori lor daiteke.

Oporretan partekatu

2014/07/07

Laster udara eta askorentzat oporrak datoz. Azken urteetan gero eta gehiago dira bidaiak antolatzeko aukera ematen diguten zerbitzu eta webguneak.

Software Librera salto

2014/05/09

Ubuntu GNU/Linux sistema eragilearen banaketa aspaldi da ezaguna, baina hau berezia da LTS bezala izendatu baitute. LTS Long Time Service markaren bidez, bost urtetan behintzat mantenimendua eskainiko dutela ematen duten aditzera.

Mugikorrean irakurri

2014/04/11

Mugikor adimendunak edo Smartphone deiturikoak irakurtzeko ere balio dute. Gailu hauetan Interneteko konexioa izaten dute eta horregatik aplikazioak erabili eta Internetetik nabigatzeko asko erabiltzen ditugu.

Blogen bueltan

2014/03/10

Blogak aspaldi dira gurekin eta zorionez gero eta gehiago dira gainera.

WhatsApp baino gehiago

2014/02/14

WhatsApp zabaldu zenetik asko izan dira honen alternatiba bezala aurkeztu diren tresnak.

Firefox seguruago

2013/09/03

Nahiz eta beste nabigatzaile batzuk egon, bada bereziki bat bere izaeragatik berezia dena Firefox. Mozilla fundazioaren lidergotzan eta milaka bolondresen laguntzarekin egunero Internet neutro eta libre baten alde %100ean lan egiten duen proiektua da.

firefox-seguruagoa

Aipatutakoez gain, bakoitzak bere beharretara egokitzeko aukera handiak ematen dituen nabigatzailea da. Hedapen sistemaren bidez nabigatzaileari funtzio berriak gehitzeko aukera dago. Gure kasuan Firefox nabigatzailea seguruago egiteko hedapenak izango dira aipatuko ditugun bakarrak.

Collusion

Bere horretan segurtasuna hobetzeko baino, horren beharraz jabetzeko sortutako gehigarria da. Instalatu ondoren azpian logo txiki bat agertuko da eta bertan klikatuz gero pantaila bat agertuko zaigu. Pantaila horretan borobilez eta marraz osatutako grafo bat ikusiko dugu. Horren esanahia argia da, gure nabigazioan zehar gure jarraipena egiten duten zerbitzuak erakusten dira bertan. Urdinez bisitatutako webguneak ageri dira eta marraz loturik webgune horrek zein beste zerbitzurekin/webgunerekin elkartrukatu duen informazioa. Ez larritu, baina jabetu zuen nabigazioak zein arrasto uzten dituen sareko beste zenbait tokitan.

Ghosthery

Ghostery-k aurrekoaren funtzio antzekoak ditu, baina ez da hain bisuala; aldiz bisualizaziorako baino gehiago balio du. Detektatzen dituen jarraipen tresna guztiei informazioa igorri edo ez esateko aukera ematen du tresnak. Honela, une oro erabaki dezakegu zein zerbitzuri eman nahi diogu gure informazioa. Estatistikak neurtzeko tresna bati adibidez utzi diezaiokegu gure informazioa hartzen eta bitartean publizitatea igorriko digun zerbitzu bati ez. Ghostery berak zenbait informazio biltzen zituelako zenbait polemika zabaldu bazen ere, sortzaileek azalpenak eman ondoren argitua gelditu zen. Era honetako gehigarririk erabilgarrienetakoa da gaur egun.