HOSTOAK taldea eraldatua dator, betiko xede berarekin baina itzal eta oihartzun ezberdinarekin. Aurreko disko konzeptualak, Hermann Hessen “Estepako Otsoa” iluntasuna ekarri bazuen, Olmo Cascallarren etengabeko soinu esplorazioek eta sorkuntzari bide emateko beharrak eragin du 12 abestiz osaturiko lan berri hau kaleratzea.

Erritmoek, zortzi sokako kitarrek, loopek, sintetizagailu eta sanplerrek taldearen soinua guztiz eraldatzea ekarri dute. Iluntasunetik argitarantz datozte esateko eta entzunak izateko, euskara hutsean aldarrikapen bezala hartuz azken urteetan euskal rocka eta metal musikaren bakantzaren aurrean. Zigor Garrok ekoiztutako zuzeneko 7 abesti gordinen bideoak kaleratu dituzte.