Asko dira sarean telebista edo filmeak topatzeko webguneak. Bide eta era ezberdin asko dago horiek lortu ahal izateko. P2P sareetan aurki ditzakegu edota http://seriesyonkis.com edo http://seriesdanko.com bezalako webguneetan. Hala ere, euskaraz oso gutxi daude, baina hutsune hori betetzen saiatzeko hainbat ekimen ere sortu dira. Horietan jarriko dugu arreta.

Azpitituluak sortu eta partekatzeko webgune nagusiena http://azpitituluak.com webgunea da. Sortzaileen hitzetan "Euskarazko azpitituluen inguruko webgunea izan nahi du honek. Informazioa eta, batez ere, azpitituluen fitxategiak trukatzeko lekua bihurtu nahi luke". Hori da zehazki egiten dutena azpitituluak igotzeko aukera erraza ematen duen formulario baten bidez.

Horretaz gain foroari eta wikiari esker arazoren bat duten pertsonak prozesua eta zalantzak konpontzeko aukera izango dute. Wikian (http://azpitituluak.com/wikia/FrontPage) kolaboratu nahi izanez gero behar duzun dokumentazioa, programak etab. aurkitu ditzakezu. Foroan (http://azpitituluak.com/foroa) zalantzak plazaratu eta erantzunak jasotzeko aukera izango duzu. Facebook (http://www.facebook.com/pages/Azpitituluak-Euskaraz/10150115548850007 )-eko talde bat ere badute.

Beste webgune http://jatorrizkobertsioak.com da. Hau ere aurrekoak bezala telesail eta filmen azpitituluak igotzeko aukera ematen duen webgunea da. Aurrekoak bezala foro bat ere badu dudak eta zalantzak bideratzeko. Bereziki telesail batzuen azpitituluak topatu ditzakezu bertan.

Azpitituluak kudeatzeko webgune hauetaz gain zeinbat eduki interesgarri http://dotsub.com bezalako proiektuetan topa daitezke. Leku honetan bideo motzak itzultzeko aukera izango duzue: azalpen bideoak, aurkezpenak, bideo laburrak... Antzekoa eta azpitituluak sortzeko tresna propioarekin http://universalsubtitles.org webgunea dugu. Tresna honek asko laguntzen du bideoen azpitituluak sortzeko garaian edo sortuta badaude integratzeko garaian duen tresna propioari esker. Gero horiek berrerabiltzeko deskargatzeko aukera ere badugularik.

Azpitituluak kudeatzen dituzten webguneez gain, badira euskaraz bertsio originalean edo bikoiztuan dauden filmak eta telesailak jasotzen dituzten beste webgune batzuk. Horietan garrantzitsuena beharbada http://euskal-encodings.com webgunea dugu. Batez ere, animazio filma eta serietara bideratuta badago ere beste hainbat eduki ere topa daitezke bertan. Webguneak foro itxura hartzen duen arren eduki asko eta ondo antolatua dauzka.

ETBk bere artxiboetan dagoen eduki asko sarean jarri du denok ikusi ahal izateko. ETB nahieran http://www.eitb.tv/eu/ webgunean ETBren saio, telesail, programa... asko ikusi ahal izango dituzue. Webguneak nahiko itxura berezia du, Internet duen telebista batetik edota pantaila ukigarria duten gailuetatik erabili ahal izateko.

Euskarazko edukiak asko ez badira ere, batez ere jendearen ekimena eta auzolanari esker gero eta gehiago ditugu. Animatu zuek ere horiek erabili eta batez ere sortzera.