Arkaitz Estiballes nagusitu zen finalean baina bertsolari guztiek utzi zuten ale edo bertso gogoangarriren bat. Aurtengo BaDaGaRa txapelketak amaiera polita izan zuen. Transmisioan urte luzeetan lan egin duen Jon Lopategi irakasle eta bertsolari handiak jarri zion txapela Estiballesi.

Arkaitz Estiballes izan da Bizkaiko Bertsolari Txapelketako irabazlea, Bilboko Miribillako Bilbao Arenan, 4.000 lagunen aurrean jokatutako finalean. Bigarren du txapela hau eta Igor Elortzagaz kantatutako buruz burukoan lortu zuen orduarteko lanaren saria. eban buruz-burukoan.

Ofizioetan argi ikusi zen final estua izango zela aurtengoa. Puntu gutxiren barruan sailkatu ziren finalistak eta horrek giroa berotzen lagundu zuen bertsoz bertso eta ariketaz ariketa.

Estiballes hasieratik ibili zen serio bertsotan, hutsik egin gabe eta gaietan bere burua ondo kokatuaz. Igor Elortzak ohikoa duen bertso joskera dotorea erabili zuen bakarreko lanean eta buruz burukoaren ofizioetan. Fredi Paiak umorea eta azkar erantzutearen abilezia izan zituen lagun. Jone Uriak ofizioka egin zuen lana goraipatzekoa izan zen, denetan asmatu zuen. Onintza Enbeitak bakarreko lanean erakutsi zuen humanismo ikuspuntua gitxitan entzun zen larunbateko finalean. Miren Amuriza serio ibili zen gaiek lagundu ez zioten arren, Iratxe Ibarrari finalari neurria hartu nahian asmatu ezinik ibili zen eta Etxahun Lekue azken unean egindako akats batek kokatu zuen zortzigarren.

Buruz burukora nortzuk pasatu kiniela asko entzuten ziren entzuleen artean, baina Igor Elortza eta Arkaitz Estiballes izan ziren bi izenak.

Jon Lopategi beteranoak jarri zion txapela Arkaitz Estiballesi. Txapelduna hunkituta, emozinoari eutsi ezinik ikusi genuen.

Puntuazioa:

- Arkaitz Estiballes 899

- Igor Elortza 896

- Fredi Paia 506.5

- Jone Uria 500

- Onintza Enbeita 494.5

- Miren Amuriza 490.5

- Iratxe ibarra 485.5

- Etxaun Lekue 474

Hemen Igor Elortzak kantatu zuen bertsoa Gaiak honela zioen,

Korrikaren lekukoa noiz hartuko jarri zuen gai-jartzaileak eta hauxe, bota zuen bigarrena:

Gau eskolara apuntau nintzen

lagun zahar bat bitarte

aitortu behar dot hona heltzeko

nik sufritu dot bastante

eskutan hartu mila liburu

ta ezagutu hamaika mundu

inoz enaz joan aparte

gaur harro-harro noa korrika

euskararen militante

hurrengoari pasatu deutzat

oin eurei toketan jake

ta bardin jataz subjuntiboak

ta bardinago ergatiboak

jarraituko dot jotake

helmugara heldu arte