Abenduaren bostean jokatu zen Bertsolari Gazteen XXXII. BBK Sariketaren finala Zornotzako Zelaieta Zentroko Auditorioan. Sagutxo kaskarinak 2.0 eta Puntuak eta komak taldeak aritu ziren A mailan, eta TeamRocket eta Okerbidea taldeak B mailan. Puntuak eta Komak eta Okerbidean taldeak izan ziren irabazle.

Aldaketaz betetako edizioa izan da aurtengoa. Saioa, azken edizioetako finaletan ohikoa bihurtu den moduan, talde agurrekin hasi zen. Hamar bertsolari gazteak aritu ziren kantuan:

• A mailan:
  • Sagutxo kaskarinak 2.0: Garazi Ibarretxe, Maddi Aurtenetxe eta Naroa Iturrioz
  • Puntuak eta komak: Amaiur Betanzos, Ekhi Zuluaga eta Iradi Barrenetxea
• B mailan:
  • TeamRocket: Ixone Asategi eta Janire Arrizabalaga
  • Okerbidean: Iruri Altzerreka eta Peru Irastortza

Honetaz gain, Unai Gaztelumendi ilustratzaileak zuzenean egindako karikaturak izan zituzten opari bertsolariek. Bestalde, kantaera onenaren saria Bittor Altubek eskuratu zuen.

Alaia Martin txapeldun

Arantzazu Loidik jantzi zion txapela Alaia Martini. Beñat Gaztelumendirekin kantatu zuen Martinek buruz burukoan.

Alaia Martinek irabazi du 2024ko Gipuzkoako Bertsolari Txapelketa, aurreko bi aldietako garaile Beñat Gaztelumendiri buruz burukoan nagusituta.. Almeneko bertso eskolaren 50. urteurrena izan du ardatz aurtengo txapelketak, eta haurren lehen bertso eskola hartako ikasle Arantzazu Loidik jantzi dio txapela txapeldunari. 

Buruz burukoan, zortziko handian, umeekin partxisean jarri zituzten. Beranduago gertatuko zena igartzeko gaitasuna erakutsi zuten ofizio honetan. Hemen Alaiaren lehen bertsoaren bukaera: "Laztana, guztia ez da ego, mimo ta igurtzi/ irabaztera ohituta zaude ta behingoz besteoi utzi»,. Gaztelumendiren erantzuna: «Ez zaiteztela mesedez hasi, Beñat galtzeko eske/ nik irabazten ezin det utzi zuek gailendu zaitezte". Txapela buruan, laguntasunari abestu zion Alaiak: “…egon gaitezen lagunekin hauskor eta inperfektu/ elkarrengandik gertu eta elkarrentzat gertu”.

Bakarkoan Beñat Gaztelumendik txapelketa osoan zehar irudikatu duen euskal jendartea atera zuen bertsotara: "Euskal Herri bat nahi nuke zikindua, lokaztua/ orain ertzean daudenei jartzen diena gustua/ umetatik sormenean ta kulturan arnastua/ ertzak maite dituena ta euskaran ardaztua".

Hirugarren, Oihana Iguaran sailkatu zen,. Ariketa gehienetan ondo ibili zen guztietan ondo. Hamarreko txikian Hitanoz josi zuten ofizioa, Tren geltokian, euskararen inguruko auzia izan zuten helduleku “euskaraz nahi diñagu hala zor delako/ trena joan egingo dun hau konpontzerako”, hasi zen Aner eta hau izan zen Oihanaren erantzuna: “...elkar ukatzen duten aukerak akaso / euskaraz egin edo zerbitzua jaso”. 

Laugarren, Ane Labakak egin zuen. Ganbarako lanean kazetariaren papelean abestutako bertsoek erakutsi zuten zein zorrotz errimatu duen txapelketa guztian zehar. “...nahastu ote gera munduz/ malko bat hiru segunduz/ emakumea mintzatu baitzait eta ez itzulinguruz/ erditze gelan jasan daiteken biolentziari buruz”.

Aner Euzkitze izan zen bosgarrena. Ikusleekin ondo baino hobeto konektatu zuen. Seigarrena Nerea Elustondo. Oraindik txapelketan jarraitzeko gogotsu zegoela bota zuen azken agurrean. Zazpigarren Andoni Rekondo, pertsonalitate propioa duela erakutsi zuen finalean ere eta plazako saioa josten ahalegindu zen. Zortzigarrena Eneritz Artetxe, bertsoak patxadaz eta lasai abestuz, hasieratik bukaerara.