2002.urteaz geroztik, Bizkaiko Ikastolen festak, Ibilaldiak, bere ondoan duen bidelagun berezi bat aurkeztu nahi dizuegu:

IbilArte

, Euskal Herriko arte garaikidearen erakusketa. IbilArtek estilo eta teknika ezberdinetako 26 euskal artisten lanak bilduko ditu datorren

urriaren 25etik azaroaren 15era

bitartean BBK-ko Erakusketa Aretoan (Bilboko Gran Via kalea, 32). Une jakin batetik aurrera gizakiak, eguneroko jarduerez gain, gai transzendentalagoen inguruko kezka azaltzen hasi ziren. Lehenengo adierazpen artistikoak gizakiaren dimentsio sinbolikoak mailarik gorena lortu zuenean egin ziren, euskarri desberdinetan eginak, haitzulo eta harpeetako hormetan nahiz objektu txiki higigarrietan. IbilArtek gaur eguneko euskal artisten adierazpenak bildu nahi izan ditu, hainbat euskarritan eginak, gizartearekin duten harreman zuzena erakutsiz hainbat sentsibilitate eta aniztasun agerian utziz; baina denen lokarri ideia bakarra, Euskal gizarteari Euskara eta Euskal kultura bultzatzeko nahia agerraraztea, ikastolaren izpirituarekin bat eginez. Ikastoletan sinisten dugulako eta etorkizuneko artistak euskaraz hezi eta hazi daitezen gura ditugulako. Arteak hizkuntza asko erabiltzen ditu (pintura, eskultura, argazkia…)eta hauetatik bidaiatzeko aukera izango dugu, gaur eguneko ikuspegi artistikoan barneratuz. Hurbil gaitezen bada artisten mundura gu ere eta bihotzez egin dezagun elkarlan, bihotzez gozatu dezagun artea, bihotzez… amore bi eta ARTEA! Ondoren, erakusketan ikusi ahal izango ditugun artistak eta euren obrak aipatzen dizkizuegu:

Argazkiak: Di-DA