Eduard Manet inpresionismo garaiko margolaririk garrantzitsuenetakoa izan zen, eta 1878an berak bere buruari egindako autoerretratua 27 milioi eurotan saldu dute Londresen. Grezia bankarrotan dago, Espainiari diru-laguntzak emango ei dizkio Europako Gobernuak, eta Maneten Paletadun Autoerretratua 20 milioi liberetan atera zuten enkantera. Azkenean 22 milioi libra eta erdian, hau da, 27 milioi eurotan saldu zen. Sotheby´s enkante etxeak egin zuen enkantea.

 

Bere margolari ibilbidea gailurrean zegoela margotu zuen autoerretratu hori Manet margolari frantziarrak. Pinturaren munduko autoerretraturik onena omen da. Hala esan zuen Charles Moffet Sotheby´s etxeko kideak. Lanaren izen osoa Portrait de Manet par lui-même en buste o Manet a la palette da (Maneten bustuaren erretratua eskuan paleta duela gutxi gorabehera). Artistak autoerretratu bi egin zituen, eta hauxe da esku pribatuetan egon den bakarra (bestea Tokyoko Bridgestone museoan dago). 1997an bota zuten enkantera koadro hau azkenengoz, eta orduan, John Loeb bildumagile estatu batuarrak erosi zuen 14,3 milioi eurotan.