Azaroaren erdialdera kaleratuko du Esne Beltzak bere laugarren diskoa izango dena. Auto ekoizpenaren bidetik, 5GORA zigiluarekin argitaratuko duten lehena izango da eta musikalki berrikuntzak ekarriko ditu. Euskal Herritik mundura eta mundutik Euskal Herrira begira, etengabeko mugimenduan dago beti Esne Beltza. Joan-etorri musikal honetan, bide lagun ugarirekin grabatuko dute disko berria; Bardoze, Ereñozu, Bartzelona, Los Angeles, Buenos Aires, Mexico, Tokyo, Londres, Berlin... ugari izango dira kolore eta geralekuak.

Bestetik, Esne Beltzak, grabazio estudioan gertatzen dena jarraitu nahi duenarentzat bideo, argazki eta aipamenak jartzeko lekua ireki du bere web orrian.