Bertso saioetako gaietan aldaketa ekarri du emakumearen presentziak. Gaiarekiko ikuspuntu desberdinak jorratu dituzte gai jartzaile taldeek txapelketan eta ohiko plazetan. Gaiak ez ezik, emakumearen ahotsetik kantatzearen erronka ere izan dute bertsolari askok.

Bide honetatik doaz jardunaldi honen gaiak ere. Bertsolaritza eta generoari dagokionez, lau hitzaldi izango dira jardunaldi hauetan. Egun osoko plangintza prestatu dute otsailerako. Hemen duzue egitaraua:

Otsailak 3, osteguna:

18:00etan: Jone Miren Hernandez. Emozioen labirintuan: Emakumeen hitza, ahotsa eta bertsolaritza: norabide ezberdin baten bila?
19:30ean: Xabier Odriozola. Parekidetasuna eta maskulinitate berriak.

Otsailak 10, osteguna:

18:00etan: Leire Ibarguren. "Nolako umorea egin nahi dugu emakumeok arte eszenikoetan " Tesinan oinarritutako hitzaldia.
19:30ean: Maialen Lujanbio eta Judith Montero. "Ornitorrinkus" lanaren interpretazioa.