10 urte hauetan taldeak kontzertu ugari eman ditu eta zenbait disko plazaratu ere. "Kontzertu kutunez beteriko hamarkada oso bat izan da, Euskal Herria, Catalunya, Galizia, Madril, Alemania, Kuba, Frantzia, Suitza, Kroazia, Eslovenia, Serbia, Italia, Errusia eta Japongo eszenatokietan. Garai horretan bost disko grabatu eta argitaratu ditugu: "Meatzaldea" (Metak, 2001), "Euria ari duela" (Metak, 2003), "Toulouse" (Metak, 2004), "Baleike" (Kasba music, 2006) eta "Haikua" (autoprodukzioa, 2008)" adierazi dute taldekideek.

Disko hauez gain, Martxel Mariskalen liburuan oinarritua, ekoiztu eta zuzendu zuten "Ezekiel" antzezlan musikatua, baita Korrika Kulturalaren akzesita lortu ere. Kultur ekintza hau Euskal Herriko antzokietan eszenaratu zuten, FTI eta "Peces de Colores" kolektiboekin batera.

Iñigo Muguruza abeslari zuen taldeak agur esaten digu, Kortatu, Negu Gorriak eta Joxe Ripiau moduko talde esanguratsuetan ibili ondoren eta Sagarroi taldearekin azken bide hau eginda. Gauzak horrela, seguraski etorkizunean beste proiektu batzuetan murgilduta ikusiko ditugu Sagarroi taldeko lagunak.