Gernikako taldea albiste berriekin datorkigu. Egunotan "Mistress Games" (Bidehuts, 2013) disko laburra plazaratu du, EP euskarrian. Binilozko single batek, bost abesti berri dituen CD batek eta abuztuaren 5ean saretik deskargatzeko pista berri batek osatzen dute lan hau.

Aurrerapen moduan aurkezten diguten lana da bera, urrian edukiko duelarik bukaera disko luzearen plazaratzearekin.

"Mistress Games" EP berri hau, Andoaingo Garate estudioetan grabatu dute Kaki Arkarazoren gidaritzapean, "When I rule the Word" abestia izan ezik, urtarrilaren 5ean Oiartzunen grabatu zutena, Mikel eta Igor Esceizarekin.

Abuztuaren 20an, New Yorkeko Water Music Studioetara (Sonic Youth, Nancy Sinatra, U2) joko dute Audience taldeko kideek, eta bertan John Agnello ekoizlearekin (Sonic Youth, Mark Lanegan, Aerosmith, Alice Cooper) egingo dute lan.

New Yorketik bueltan taldea eskeiniko duen lehen aurkezpen kontzertua Bilboko Kafe Antzokian izango da urriaren 5ean.