Bizardunak, Gatibu, Seiurte, Borja Estankona, Vendetta eta Sarkor taldeen disko berriak argitaratuko ditu Mungiako diskoetxeak.

"Ur ederra kirats infinituan" izenburu sofistikatuarekin aurkeztuko zaigu Bizardunak nafarren disko berria. Beraien hirugarren lana da eta gure herriko historia politikoa eta kritika soziala dute hizpide bere testuetan.

Gatibu taldearen zaletuek ere pozik hartuko dute taldearen lan berria. Oraindik izenbururik gabe, bostgarren diskoak zazpi kantu berri izango ditu.

Batetik, Ska musikaren bidea jarraituz, Baga Bigak plazaratuko du "Fuimos, somos, seremos" Vendetta taldearen disko berria. Bestetik, rocka eta kantagintza uztartzeko bidean aurkitzen da "Fruitua" diskoa, Estankona musikariaren lan berria.

Rocka hizpide duela Baga Bigak aipatu dugu lehenago. Sei Urte Berrizko taldeak "Atlantida" lana plazaratuko du. Beraien seigarren diskoa izango denak melodiaz beteriko pop eta rock doinuak ekarriko dizkigu.

Berrizetik ez hain urrun, Gernikatik dator Sarkor punk-rock taldea. Hauek ere datozen hilabeteetan bere hirugarren diskoa izango dena plazaratuko dute.