Orain dela urte batzuk Arrasate inguruan punk eta oi! mugimenduak uztartzen zituen talde ugari ezagutu genituen. Haien artean gehien gailentzen zena Deskontrol taldea zen. Gaur egungo euskal gazteriak estimaz berhartu ditu 80. hamarkadan arrakasta lortu zuten doinu punkak.

Oraingoan estilo honen jarraitzaileek gogotsu hartuko dute Kateak Astintzen deitzen den plataformaren sorrera. Nafarroatik datorkigu oraingoan punk eta oi! doinuak batzen dituen korronte berria. Jende eta musikari gazteek osatzen duten kolektiboa da. Iruñean eta alboko herrietan izena egiten ari dira eta punk, rock, oi!, rock'n'roll eta ska doinuak jorratzen dituzten taldeak dira. Asko gazteak eta besteak urte batzuk daramatenak musika eszenan.

Hain zuzen ere, Kateak Astintzen kolektibokoek izen bereko bloga zabaldu dute, kontzertuak antolatzen eta  taldeen bilgune lana egiten ari dira.

Hala nola, estilo ezberdinetako taldeak aurkitu ditzakegu, kasuan kasu, Siete Balas, Altxatu, Saskarrak, Odolkiak ordainetan, Shock Waves, Tinko....