Urtz taldeak berriro "Kaixo" esango digu. Urtz taldeak 2003ko urriaren 17an eman zuen azken zuzenekoa euren jendearen aurrean. Eszenatokietatik kanpo 10 urte eman ondoren bueltan datoz zazpigarren diskoarekin, -"Astiro" diskoa azaroan kaleratuko da- eta zuzeneko birarekin (abenduaren 7an Durangoko Azokan, estrainekoa) zaleak aho zabalik eta hunkituta uzteko gogoak ditu Urtz taldeak.

Urtz jatorrizko musikariekin datorkigu, hau da, hasieratik taldean zeuden berdinak jarraitzen dute. Disko berriaren sonoridadearen eta kantuen inguruan, esan Urtz taldea ezagun egin zuten ezaugarriak aurkituko ditugula gaur egun soinu eraberritu batekin.

Baga Biga diskoetxe bizkaitarra izango da gipuzkoako taldearen disko berria argitaratzeko ardura izango duena.

Urtz taldea euskal rockean talde esanguratsua izan da eta diskoen salmentetan ere kopuru handiak saldu dituzte. Orain ikusteko da itzulera onek zer nolako erantzuna izango duen jarraitzaileen artean. Nostalgiak eta gaur egungo musika eszenaren joan etorriek bat egingo dute seguraski taldearen bilakaeran.