Gutako askok gero eta gehiago erabiltzen ditugu mugikor aurreratuak Internetera konektatu edo informazioa eskuratzeko. Nabigatzaile bat erabiltzea izaten ohi da ohikoena, baina gero eta gehiago informazio eta zerbitzu berezituak eskaintzen dituzten mugikorreko aplikazioak ere.

Argi dago aukera berriak irekitzen ari direla, batez ere gauzak topatzeko aukera askoz ere errazago bihurtzen ari da. Batzuetan bitartekariak desagertzen dira eta beste batzuetan sortzen diren bitartekariek errazago egiten dituzte lehen zailagoak ziren hartu-emanak. Zebitzu, zein aplikazio ezberdinak aukeratu eta aurkeztuko dizkizuegu orain.

Lotarako

Booking (aplikazioa eta zerbitzua): Hotelak aurkitu, iritziak ezagutzeko eta hartzeko tresna paregabea. Milaka hotel eta leku ditu aukera moduan. Oso erabilpen erraza da eta bereziki erraza egiten da gela bat hartzeko prozesua, baita mugikorreko aplikaziotik ere.

airbnb (aplikazioa eta zerbitzua): Zuzenean jabeei gelak edota etxeak alokatzeko aukera ematen duen zerbitzua da hau. Oso interesgarria epe luzeetako egonaldiak egiteko. Erosle eta alokatzailearen arteko tratu zuzena bilatzen du eta horretarako konfidantza sustatzeko iritzi elkartrukea egiten du. Aurreko bisitariek egondako tokiari eta bere jabeari buruzko iritziak utz ditzakete, baita alderantziz ere.

Youcamp (aplikazioa): Zure aukera kanpina bada, aplikazio hau interesatuko zaizu. Kanpinak topatu eta aurkitzeko aplikazio bat da hau. Kanpinak eta hauen zerbitzuak zein diren ezagutu dezakezu aplikazio honen bidez. Gertuko kanpinetako zenbait informazio falta dira, baina orokorrean interesgarria.

Komunikazioak

Roamer (aplikazioa): Beste herrialde batean gaudela deiak merketzeko roaming-a errazten duen aplikazioa. Instalatu ondoren, gure deiak zerbitzu horretara desbideratzeko eskatuko diogu sistemari. Gure oporretako tokira iritsita, SIM merkeena erosi eta sartuko diogu gure sakelakoari. Sistema arduratuko da deiak zenbaki berrira bideratzen.

Instabridge (aplikazioa): Internet konexioa lortzea beharrezkoa izaten da batzuetan. Wifi sareetako pasahitzak kudeatu, ingurunean jendeak atzigarri diren sareetako pasahitzak ezagutu edota gailu ezberdinetan wifi pasahitzen kudeaketa egiteko aplikazioa.

Google Hangouts(aplikazioa eta zerbitzua): Audio eta bideo deiak egiteko aukera ematen duen Googlelen zerbitzua da. Oso aukera ona da Internet sarbidea edukiz gero komunikazio merkeak egin ahal izateko edozein tokitan gaudela ere.

Lekuak

Tripadvisor (aplikazioa eta zerbitzua): Jateko, bisitatzeko, kuriositatea... topatzeko leku interesgarroienetakoa. Jendearen iritziak kontutan hartzen ditu tresna honek eta horri esker leku interesgarrienak sailkatzen ditu. Edozein tokitan gaudela ere, toki interesgarrien gomendioak topa ditzakegu. Lekua gehiegi ezagutzen ez baduzu bereziki interesgarria bihurtu daiteke.

Minube (aplikazioa eta zerbitzua): Lekuetako informazio osatua eta komunitateak sortutako edukia aurki dezakezun gune zoragarria. Bereziki interesgarriak dira herrialde edo zonalde zehatzei buruzko monografikoak. Jendeak sortutako edukiarekin gida modukoak egiteko aukera ematen du tresna honek.

Wikiloc (aplikazioa eta zerbitzua): Txangoak, ibilbideak, tokiak... aurkitzeko eta igotzeko gunea. Batez ere ibilbideak aurkitu eta egiteko tresna bat da. Mugikorrarekin erabiliz gero, zerbitzua GPSari esker gida moduan erabiltzeko aukera ematen du aplikazioak.

Bidaiak

Waze (aplikazioa eta zerbitzua): Garraio pribatua erabiliz gero trafikoaren egoera ezagutzeko aukera ematen duen aplikazioa. Mugikorrean instalatutako aplikazio honekin eta dituen milaka erabiltzaileei esker kotxe ilarak, kontrolak, arrisku puntuak... topatzeko aukera ematen du. Jendeak bidalitako ekarpenei esker informazio guzti hau denbora errealean ematen du aplikazioak.

Trabber (zerbitzua): Hegaldiak topatzeko aplikazio oso interesgarria. Aukera ezberdin ugari aztertu eta konparatzen ditu eskaintza hoberena topatzeko. Filtro ezberdin ugari ditu, bilaketa hobeto mugatzeko. Helburu gabeko bilaketak egin daitezke, hori izan daiteke beharbada deigarriena.

Skyscanner (aplikazioa eta zerbitzua): Oso aplikazio interesgarria eta erabilerraza. Aurrekoaren antzeko funtzioa betetzen du, baina mugikorrean erabili ahal izateko oso aukera ona da.