Maiatzaren 20an hasi, eta ekainaren 7an jokatuko den finalean amaituko da aurtengo edizioa. Hezkuntza arautuko ikasle guztiak gehi bertso eskoletako ikasleak dira idatzizko lehiaketako parte hartzaileak. Finala 250 parte hartzailegaz egitea aurreikusten da.

Idatzizko sariketa

LH 5. mailatik DBH 4rako ikasleek parte hartuko dute idatzizko lehiaketan. Fase bitan garatuko da idatzizkoa: sailkapen fasea eta finala. Sailkapen fasea ikastetxeetan eta bertso eskoletan. Sailkatutako guztiak finalean batuko dira ekainaren 7an Gernika-Lumon ospatuko den bertso eskolen egunean.

Bat-bateko txapelketa

15-18 urteko 56 bertsolari gazteek hartuko dute parte. Lau sailkapen saio jokatuko dira; horrela, zortzi finalista aukeratuko dira Gernika-Lumoko finalerako. Lau saiotan banatuta egongo da. 

Bazkariko txartelak eta kamisetak

www.bertsosarrerak.eu atarian eros daitezke. Aukera bi daude: Bazkaria eta kamiseta; edo kamiseta bakarrik. Kamisetak erosteko azken eguna maiatzaren 26a izango da. Bazkariko txartelak ekainaren 2ra arte erosi ahal izango dira.